წნორში, ვაჟა-ფშაველას ქუჩაზე გზის სარეაბილიტაციო სამუშაოები მიმდინარეობს. ამის შესახებ „ინტერპრესნიუსს“ სიღნაღის მერიიდან აცნობეს.

მათი ინფორმაციით, პროექტი, რომლის ღირებულებაც 364 350 ლარია, ხუთასი მეტრის მანძილზე ორი ფენა ასფალტის საფარის დაგებას ითვალისწინებს.

სარეაბილიტაციო სამუშაოები რეგიონში განსახორციელებელი პროექტების ფონდიდან ფინანსდება.

სიღნაღის მერიის ინფორმაციით, განახლებული საგზაო ინფრასტრუქტურით ასი ოჯახი ისარგებლებს.