„შშმ ქალებისთვის ჯანდაცვის სერვისების მისაწვდომობის საკითხებზე“ თემატური მოკვლევის ჯგუფმა შეხვედრა გამართა

„შეზღუდული შესაძლებლობის მქონე ქალებისთვის ჯანდაცვის სერვისების მისაწვდომობის საკითხებზე“ თემატური მოკვლევის ჯგუფმა, აღმასრულებელი ხელისუფლების წარმომადგენლებთან ერთად, მორიგი სამუშაო შეხვედრა გამართა. ამის შესახებ „ინტერპრესნიუსს“ პარლამენტის პრესსამსახურიდან აცნობეს.

მათი ინფორმაციით, შეხვედრაში აღმასრულებელი ხელისუფლების, განათლების, მეცნიერების, კულტურისა და სპორტის, ეკონომიკისა და მდგრადი განვითარების სამინისტროების, ასევე, სახელმწიფო პროგრამის „აწარმოე საქართველოში“ წარმომადგენლები მონაწილეობდნენ.

შეხვედრაზე იმ პრობლემებსა და გამოწვევებზე ისაუბრეს, რაც შშმ ქალთა/გოგონათა მიმართულებით ქვეყანაში არსებობს.

„ჩვენ გავიარეთ ის საკითხები, რაც შეიძლება შეზღუდული შესაძლებლობის მქონე ქალთა და გოგონათა მხრივ იყოს მნიშვნელოვანი, სად გვაქვს დღეს მთავარი გამოწვევა, რა სტატისტიკა არის და რას ვაკეთებთ იმისთვის, რომ შშმ ქალებსა და გოგონებს უწყვეტი განათლება მიეწოდებოდეს. ასევე, ვიმსჯელეთ იმაზე, რა კონკრეტულ ნაბიჯებს ვდგამთ განათლების მიღმა დარჩენილი ასეთი პირებისთვის. ყველა ეს საკითხი, საბოლოო ჯამში, დაკავშირებული არის არა მარტო ადამიანის სწორ განვითარებასთან, არამედ მისი ჯანმრთელობის მდგომარეობასთან. თუ შეზღუდული შესაძლებლობის მქონე ქალი/გოგონა არის ამ სივრცეს მოკლებული, მას დამატებით არა მხოლოდ სოციალური, არამედ ჯანდაცვითი ხასიათის პრობლემაც უჩნდება“, - აღნიშნა შეხვედრის დასრულების შემდეგ საკითხზე მთავარმა მომხსენებელმა, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მოადგილემ, რატი იონათამიშვილმა.

„შეზღუდული შესაძლებლობის მქონე ქალების ჯანდაცვის მისაწვდომობის საკითხებზე“ თემატური მოკვლევის ჯგუფი ადამიანის უფლებათა დაცვისა და სამოქალაქო ინტეგრაციის კომიტეტის ფარგლებში შეიქმნა. სამუშაო ჯგუფი დასკვნასა და რეკომენდაციებს ნოემბრის ბოლოსთვის წარადგენს.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა