კასპის მუნიციპალიტეტის მერმა მანუჩარ მერებაშვილმა და მერის პირველმა მოადგილემ თამაზ ტატანაშვილმა, ომის ვეტერანებს საქართველოს ვეტერანთა დღე მიულოცეს.

როგორც „ინტერპრესნიუსს“ კასპის მუნიციპალიტეტის მერიიდან აცნობეს, ვეტერანებმა გვირგვინით შეამკეს გმირთა მემორიალი და ომში გარდაცვლილი თნამებრძოლები გაიხსენეს.

მათივე ინფორმაციით, კასპის სპორტულ კომპლექსში გაიმართა ვეტერანთა შეჯიბრი შაში, ჭადრაკსა და ნარდში. გამარჯვებულებს გადეცათ მედლები და სსიპ ვეტერანების საქმეთა სახელმწიფო სამსახურის საპატიო სიგელები, ხოლო ომის ინვალიდებს სასაჩუქრე პაკეტები.