უკრაინის გენერალური შტაბის უფროსის მოადგილე, ალექსეი ტარანი აცხადებს, რომ რუსეთი უკრაინის წინააღმდეგ ფართომასშტაბიან სამხედრო აგრესიას გეგმავს მთელი სასაზღვრო ზოლის გასწვრივ.
„რუსეთი ფართომასშტაბიან სამხედრო აგრესიას გეგმავს. ეს უკვე აშკარაა. უკრაინის არმია შეიარაღებული აგრესიის მოსაგერიებლად ემზადება. ეს ეხება არა მარტო საკონტაქტო ხაზს, არამედ სხვა ტერიტორიებსაც, დაწყებული ბელორუსის საზღვრიდან დამთავრებული ქვემო ყირიმით და ბესარაბიით“, - აცხადებს ტარანი.
მისივე თქმით, დღეს უკრაინის შეიარაღებულ ძალებს საკმარისი რაოდენობის გაწვრთნილი სარდლობა და კონტროლის ორგანოები ჰყავს, რომელსაც შეუძლიათ ამ რეგიონებში სამხედრო ნაწილების მართვა და ოპერაციების დაგეგმვა.
ინფორმაციას უკრაინული მედია ავრცელებს.