გიორგი გახარია - დისკუსიები იქნება პედაგოგებთან, ექიმებთან, სამართალდამცავ სისტემასთან და შემდეგ უკვე მივხედავთ ჩვენ ბიუროკრატიას

პრემიერ-მინისტრი გიორგი გახარია გორში სამედიცინო სფეროს წარმომადგენლებს შეხვდა. პრემიერ-მინისტრი მედიკოსებთან შეხვედრისას სამედიცინო სფეროში არსებულ პრობლემებს გაეცნო.

მთავრობის მეთაურმა მოქალაქეების სოციალურ ცხოვრებაში მედიკოსების, პედაგოგებისა და პოლიციელების როლს გაუსვა ხაზი.

„ჩვენთვის კრიტიკულად მნიშვნელოვანია იმ ძირითადი მსხვილი სოციალური ჯგუფების განვითარება, მათი ყოველდღიური ცხოვრების და მუშაობის პირობები, როგორიც არის პედაგოგიკა, მედიცინა და სამართალდამცავი სისტემა. ამას მარტივი ახსნა აქვს. ეს ის ხალხია, რომელიც სახელმწიფოს სახელით ზრუნავს ჩვენს ბავშვებზე და ღვაწლმოსილ მოხუცებზე. ეს არის სახელმწიფოს ყველაზე მნიშვნელოვანი პოზიტიური ვალდებულებები“ , - განაცხადა გიორგი გახარიამ.

პრემიერ-მინისტრის თქმით, სახელმწიფოს სოციალურ ნაწილში აქვს საკმაოდ სერიოზული ვალდებულებები და წინგადადგმული ნაბიჯები, როგორც პედაგოგების, ასევე ექიმების ნაწილში.

„იყო პატარა ჩამორჩენები, თუმცა ჩემზე უკეთესად იცით, სახელმწიფომ სამედიცინო სფეროში რამხელა რესურსები და ძალისხმევა მიმართა. აქ ვართ იმისთვის, რომ პირველ რიგში პროფესიულ ნაწილზე ვისაუბროთ. რა თქმა უნდა ღიად, მწვავედ და კრიტიკულად. ეს შეხვედრები, დისკუსიები იქნება პედაგოგებთან, ექიმებთან, სამართალდამცავ სისტემასთან და შემდეგ უკვე მივხედავთ ჩვენ ბიუროკრატიას“, - განაცხადა გიორგი გახარიამ.

იხილეთ ვიდეო

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა