გურამიშვილის გამზირზე, საცხოვრებელ კორპუსში მომხდარი აფეთქების შედეგად დაშავებული ორი მოქალაქე თსსუ-ს პირველ საუნივერსიტეტო კლინიკიდან გაწერეს. ამის შესახებ „ინტერპრესნიუსს“ თსსუ-ს პირველ საუნივერსიტეტო კლინიკის კლინიკურმა დორექტორმა ლალი ტურძელაძემ განუცხადა.

მისი თქმით, მესამე პირს, რომელიც ამავე კლინიკაში იმყოფება, დღეს გაწერენ.

რაც შეეხება აფეთქების შედეგად დაშავებულ მეოთხე პირს, მისი მდგომარეობა უმძიმესია. დაშავებული ხეჩინაშვილის საუნივერსიტეტო კლინიკაშია გადაყვანილი. ექიმის ინფორმაციით, მამაკაცს სხეულის, დაახლოებით, 60% აქვს დამწვარი.

შეგახსენებთ, დღეს დილას, გურამიშვილის გამზირის #30-ში, საცხოვრებელ კორპუსში აფეთქება მოხდა. საგანგებო სიტუაციების მართვის სამსახურის ინფორმაციით, აფეთქება სავარაუდოდ, გაზის გაჟონვამ გამოიწვია.