ნატახტრის გზაზე მოძრაობა „შეცვალე“ მცოცავ ოკუპაციას აპროტესტებს. აქციის ერთ-ერთი ორგანიზატორის, გიორგი მსხალაიას განცხადებით, მათი მიზანია „იგივე დისკომფორტი შეუქმნან რუსეთის მოქალაქეებს, რა დისკომფორტსაც უქმნიან ჩვენს მოქალაქეებს ჩვენს ტერიტორიაზე“.
„ჩვენ ვაპროტესტებთ მცოცავ ოკუპაციას და რამდენი წელია უკვე გრძელდება ეს ყველაფერი და არანაირი ქმედითი ნაბიჯი არ გადადგმულა ჩვენი ხელისუფლების მიერ. ამ მოთხოვნით შევიკრიბეთ ახალგაზრდები ნატახტრის გზაზე. მეორე მიზანი არის ის, რომ იგივე დისკომფორტი შევუქმნათ რუსეთის მოქალაქეებს, რა დისკომფორტსაც უქმნიან ჩვენს მოქალაქეებს ჩვენს ტერიტორიაზე“, - განაცხადა გიორგი მსხალაიამ.