მოძრაობა “ქვეყნის სამსახურში” თელავში ავტომანქანებით მსვლელობას მართავს. აქტივისტები ქალაქის ცენტრლურ ქუჩებზე ხმოვანი სიგნალების გამოყენებით ავტომობილებით გადაადგილდებიან. უშუალოდ საპროტესტო აქცია კი 17:00 საათზე დაიწყება.
ერეკლე მეფის მოედანზე უკვე შეკრებილები არიან აქციის ორგანიზატორები, სამოქალქო აქტივისტები და მოსახლეობის წარმომადგენლები. აქციის მონაწილეები 20-21 ივნისის მოვლენებს კიდევ ერთხელ გააპროტესტებენ. ორგანიზატორების ინფორმაციით, დღეს თელავში ოპოზიციური პოლიტიკური პარტიების წარმომადგენლებსაც ელოდებიან.
მოძრაობამ "ქვეყნის სამსახურში" რეგიონებში გასვლა კახეთიდან დაიწყო და მსგავსი აქციები ქვეყნის მასშტაბით სიმბოლურად, ყოველი თვის 20 რიცხვში გაიმართება.