ელენე ხოშტარია - ქვეყნის ყველა წერტილიდან და  ქალაქიდან ვიტყვით, რომ არ ვეგუებით უსამართლო ხელისუფლებას

ჩვენ ხელისუფლებას ქვეყნის ყველა წერტილიდან და ქალაქიდან ვეტყვით, რომ არ ვეგუებით უსამართლო ხელისუფლებას, ამ ქვეყანაში თავისუფლებას ჩვენ მოვიპოვებთ, არ დავუთმობთ ბიძინა ივანიშვილს,-ამის შესახებ “ევროპული საქართველოს” ერთ-ერთმა ლიდერმა ელენე ხოშტარიამ თელავში , მოძრაობა “ქვეყნის სამსახურში” ორგანიზებით მიმდინარე საპროტესტო აქციაზე სიტყვით გამოსვლისას განაცხადა.

მისივე განცხადებით, დღეს აქციაზე 20-21 ივნისის აქციების დროს დაპატიმრებული ბესიკ თამლიანის დედა და და არიან, რადგან უსამრთლობას აპროტესტებენ.

“პროტესტი გრძელდება და გაგრძელდება მანამდე, სანამ შედეგს არ მივაღწევთ. ეს შედეგი ვინმეს ხელისუფლებაში “მოჯდომა“ არ არის - ჩემი ან ნებისმიერი პოლიტიკოსის, შედეგი არის სამართლიანი, თავისუფალი საქართველო. სამართლიანი საქართველო, სადაც ის ადამიანები მძევლებად არ ჰყავთ, ვინც ოკუპაციის წინააღმდეგ იბრძვიან. პირადად ვნახე ყველა პატიმარი, რომლებიც არიან წესიერი, თავისუფლების მოყვარე ადამიანები. როდესაც მათ ვესაუბრები, ვივსები სიამაყით, რომ ასეთი ადამიანები ცხოვრობენ ამ ქვეყანაში”,-განაცხადა ხოშტარიამ.

მისი თქმით, დღეს ხალხის გამოსვლა თელავში ნიშნავს იმას, რომ თელავი “უსამართლო ბიძინა ივანიშვილის ხელისუფლებას არ ეგუება“

„მიხარია, რომ დღეს, თელავში, თითოეული ადამიანი გამოხვედით არა ვიღაცის გამო ,არა ვიღაცის თხოვნით, არამედ იმის გამო , რომ ჩვენ არ ვეგუებით უსამართლო ხელისუფლებას, არ ვეგუებით, რომ ჩვენი ქვეყანა მათ დავუთმოთ, არ ვეგუებით მცოცავ ოკუპაციას, არ ვეგუებით უკანონო პრემიერ-მინისტრს, გავრილოვის პატიმრებს და მძევლებს ციხეებში. ამ ხმას ისინი აუცილებლად გაიგებენ”,-განაცხადა ხოშტარიამ.

საპროტესტო აქცია თელავში უკვე ერთ საათზე მეტია მიმდინარეობს. აქციაზე ადგილობრივებთან ერთად იმყოფებიან პოლიტიკური პარტიების წარმომადგენლები და სამოქალაქო აქტივისტები.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
კორონავირუსის გავლენა ეკონომიკაზე  -  1.1 ტრილიონიანი დანაკარგი
ყველა ბიზნეს პროცესის ავტომატიზაცია - Nova-სა და BDO-ს პარტნიორობა
აღნიშნეთ დედის დღე სასტუმრო „ქორთიარდ მარიოტში“ (R)