კომიტეტების ერთობლივ სხდომაზე, ქეთევან ციხელაშვილის მოსმენის დახურვას კამათი მოჰყვა

პარლამენტის საგარეო ურთიერთობათა და დიასპორისა და კავკასიის საკითხთა კომიტეტების ერთობლივი სხდომა, სადაც შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს უსმენენ, დაიხურა, რასაც მცირე კამათი მოჰყვა.

სხდომის პროცედურულ საკითხთან დაკავშირებით შენიშვნები ჰქონდა „ევროპულ საქართველოს”. დეპუტატი გიორგი კანდელაკი ითხოვდა, რომ სხდომის დახურვამდე, სახელმწიფო მინისტრს განმარტებები გაეკეთებინა ოკუპირებულ ტერიტორიებზე არსებულ ვითარებასა და ქვეყნის აქტუალიზაციაზე საერთაშორისო ასპრეზზე.

„არ ვაკნინებთ ამ პროგრამის მიმდინარეობის საკითხს, მნიშვნელოვანი საკითხია, მაგრამ რამდენიმე წუთი რომ დაუთმოთ საქართველოს მთავრობის აქტიურობას საერთაშორისო ასპარეზზე, თუკი ასეთი აქტივობა არსებობს, რადგან მოსაზრება არის, რომ არ არსებობს არანაირი აქტივობა. რა გაქვთ საწიანაღმდეგო, რომ გვიპასუხოთ და 15 წუთი დაუთმოთ?”,-განაცხადა კანდელაკმა.

აღნიშნულზე საგარეო ურთიერთობათა კომიტეტის თავმჯდომარე სოფო ქაცარავამ განმარტებები გააკეთა და აღნიშნა, რომ საკითხებზე მინისტრი დახურულ ფორმატში ისაუბრებდა.

სხდომაზე საკუთარი პოზიცია დააფიქსირა „პატრიოტთა ალიანსის“ დეპუტატმა ადა მარშანიამ. მან უმრავლესობა სუბიექტურ მიდგომებში დაადანაშაულა და პროცედურულ საკითხებთან დაკავშირებით პროტესტი გამოთქვა.

„საბავშვო ბაღში ვართ თუ პარლამენტის კომიტეტის სხდომაზე? პრინციპულად ვაყენებთ საკითხს, ზუსტად, რომ ქალბატონი ციხელაშვილის პასუხები მაინტერესებს იმაზე, თუ რა ხდება ამ წუთებში იქ, სადაც გვაინტერესებს დაიხუროს სხდომა და არა მატრაკვეცობა კამერების წინ და მიკროფონებში”, - განაცხადა ადა მარშანიამ.

სახელმწიფო მინისტრი სხდომაზე სამშვიდობო ინიციატივა „ნაბიჯი უკეთესი მომავლისკენ“ „ვაჭრობის წახალისება გამყოფი ხაზების გასწვრივ“ მიმდინარეობის შესახებ ისაუბრებს.

იხილეთ ვიდეო

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო