20 ივნისის მოვლენებთან დაკავშირებით კითხვები აქვთ მხოლოდ „ნაციონალურ მოძრაობას“ და მის განშტოებებს, ასევე რამდენიმე აქტივისტს რომლებიც ამ ნარატივში ერთიანდებიან, - ეს განცხადება ფრაქცია “ქართული ოცნების” თავმჯდომარემ, მამუკა მდინარაძემ 20 ივნისის მოვლენებთან დაკავშირებით გააკეთა.

ერთ-ერთი ჟურნალისტის კითხვაზე, არის თუ არა 20 ივნისის მოვლენების შემდეგ გიორგი გახარიას პრემიერ - მინისტრობა სირცხვილი, მამუკა მდინარაძე პასუხობს, რომ სირცხვილი სწორედ ამ თემით სპეკულირებაა.

„სირცხვილია ყველაფრის ტენდენციურად გაშუქებაც, კომენტირებაც, სპეკულირებაც ისეთ თემებზე, სადაც არის ერთი სიმართლე და სადაც შეფასებები ხდება ხოლმე მხოლოდ და მხოლოდ საკუთარი სუბიექტური ინტერესებიდან გამომდინარე. რაც შეეხება აქციის დროს დაშავებულ ადამიანებს, მორალური ვალდებულება ამასთან დაკავშირებით არავინ არ უნდა მოიხსნას“, - განაცხადა მამუკა მდინარაძემ.