გიორგი ბახტურიძის განცხადებით, თამბაქოსთვის თავის დანებებისთვის საჭირო პრეპარატები მწეველებისთვის ხელმისაწვდომი უნდა იყოს, ხოლო სოციალურად დაუცველთათვის, უფასო

თამბაქოს კონტროლის ალიანსის" ხელმძღვანელის, გიორგი ბახტურიძის განცხადებით, თამბაქოზე დამოკიდებულების მკურნალობის სახელმძღვანელო მოიცავს როგორც ფსიქოლოგიურ კონსულტაციებს, ასევე მედიკამენტოზურ მკურნალობას.

მისივე თქმით, თამბაქოსთვის თავის დანებებისთვის საჭირო პრეპარატები ყველა მწეველისთვის ხელმისაწვდომი უნდა იყოს, ხოლო სოციალურად დაუცველთათვის სრულიად უფასო. ამის შესახებ ბახტურიძემ თამბაქოზე დამოკიდებულების მკურნალობის ადგილობრივი და ევროპული სახელმძღვანელოების პრეზენტაციაზე განაცხადა.

„გაიდლაინი და პროტოკოლი, ეს არის სავალდებულო დოკუმენტი ექიმებისთვის, რომელიც უნდა გაითვალისწინონ თამბაქოსთვის თავის დანებების პრაქტიკაში. ეს გაიდლაინები მოიცავს, როგორც ფსიქოლოგიურ რჩევასა და კონსულტაციებს, ასევე ფარმაკოთერპიასაც - როგორ და რა მედიკამენტების საშუალებით უნდა უმკურნალონ თამბაქოსთვის თავის დანებების მსურველ პირებს. გარდა ამისა, ჩვენი ამოცანაა, რომ ეს მედიკამენტები იყოს მაქსიმალურად ხელმისაწვდომი მწეველებისთვის, ამიტომ ჩვენი ინიციატივით პარლამენტმა უკვე დაიწყო განხილვა და გადაწყვეტილება უახლოეს დღეებში იქნება მიღებული. დღგ-სგან და იმპორტის გადასახადებისგან გათავისუფლდება თამბაქოსთვის თავის დანებების ყველა საშუალება, ასევე დღეს ოფიციალურად კიდევ ერთხელ ვთხოვთ სამინისტროს, რომ ქრონიკულად მოავადე, ნიკოტინზე დამოკიდებული პირებისა და სოციალურად დაუცველი მოქალაქეებისთვის მედიკამენტები და სერვისები იყოს აბსოლუტურად უფასო", - განაცხადა ბახტურიძემ.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა