კობა გვენეტაძე - ეროვნული ბანკის ახალი შენობის აშენებას, შესაძლოა, 3-4 ან მეტი წელი დასჭირდეს, ჯერჯერობით, არსად გადასვლაზე და არაფრის გაყიდვაზე არაა საუბარი

საქართველოს ეროვნული ბაკის პრეზიდენტმა, სებ-ის ახალი სათავო ოფისის მშენებლობასთან დაკავშირებით განმარტება კიდევ ერთხელ გააკეთა.

როგორც გვენეტაძემ აღნიშნა, ახალი ოფისის მშენებლობის საჭიროება ინსტიტუციის ფუნქციების გაზრდას უკავშირდება.

„ჩვენ უკვე გავაკეთეთ განმარტები ამის შესახებ. სამწუხაროდ, არასწორი ინტერპრეტირება გაკეთდა სხვადასხვა ფაქტის. შეგახსენებთ, რომ ეროვნული ბანკი საქართველოს კონსტიტუციით დამოუკიდებელია თავის საქმიანობაში. მას უფლება აქვს დამოუკიდებლად დადოს ხელშეკრულებები, შეიძინოს უძრავ-მოძრავი ქონება და ფლობდეს და განკარგავდეს მას.

ბოლო დროს ბევრი საკანონმდებლო ცვლილება განხორციელდა, რომელმაც გაზარდა ეროვნული ბანკის ფუნქციები, ესეც არაა საკმარისი, კიდევ უფრო გაიზრდება სებ-ის ფუნქციები, რადგან დღეს ფინანსურ სისტემაში ბევრი გამოწვევა არსებობს. აქედან გამომდინარე, მიღებულია გადაწყვეტილება ახალი ოფისი, რომელიც უზრუნველყოფს სებ-ის სამუშაო პროცესის შეუფერხებელ წარმართვას, არა 2 ან 3 წლის, არამედ მომდევნო 50 წლის განმავლობაში“, - განაცხადა გვენეტაძემ.

გვენეტაძის თქმით, მიწა ახალი სათავო ოფისისთვის, გამჭვირვალობის უმაღლესი სტანდარტით და კანონის სრული დაცვით შეირჩა.

„თავდაპირდველად მიწის ნაკვეთის მოძიებისთვის სებ-მა ეკონომიკის სამინისტროს და თბილისის მერიას მიმართა. უწყებებიდან ქალაქის ცენტრალურ ნაწილში თავისუფალი მიწის ნაკვეთის არარსებობის შესახებ პასუხის მიღების შემდეგ მოვიძიეთ სხვა ალტერნატივები. ყველა პროცედურა უმაღლესი სტანდარტებით იყო დაცული,“-აღნიშნა გვენეტაძემ.

ამასთან, გვენეტაძემ განაცხადა, რომ 2012 წელს, სებ-მა იუსტიციის სახლის შენობის იმ ნაწილის სანაცვლოდ, სადაც ახლა სათავო ოფისი მდებარეობს, 16 მლნ დოლარზე მეტი გადაიხადა.

„არ დაგავიწყდეთ, რომ 2012 წელს, როდესაც ეროვნული ბანკი გადმოვიდა არსებულ შენობაში, მაშინ ეროვნულმა ბანკმა ამ შენობაში 16.4 მლნ დოლარი გადაიხადა, რაც დღევანდელი კურსით 50 მლნ ლარია. ახალი ოფისის მშენებლობის ხარჯის დაფარვა დიდწილად სწორედ ამ შენობის რეალიზაციდან მიღებული თანხით მოხდება. საუბარი იმაზე, რომ როდის მოხდება ეს, როდის დაცლის ეროვნული ბანკი ამ შენობას, ეს ძალიან დიდი ხნის პერსპექტივაა, რადგან როდესაც ვსაუბრობთ ახალი შენობის აშენებაზე, ეს შეიძლება 3-4 ან მეტი წელი გაიჭიმოს პროცესი. ამიტომ, ჯერჯერობით, არსად გადასვლაზე და არაფრის გაყიდვაზე არაა საუბარი,”- განაცხადა გვენეტაძემ.

მისივე თქმით, რა ღირებულებით მოხდება სებ-ის არსებული ოფისის გაყიდვა, ჯერჯერობით შეფასებული არაა.

შეგახსენებთ, რომ საქართველოს ეროვნული ბანკი ახალი სათავო ოფისის მშენებლობას გეგმავს, რომლის ბიუჯეტიც სავარაუდოდ, 50 მლნ ლარი იქნება. აღნიშნულთან დაკავშირებით, პრემიერ-მინისტრმა გიორგი გახარიამ განაცხადა, რომ ამხელა რესურსი ეროვნული ბანკის ახალი სათავო ოფისის ასაშენებლად არ უნდა დაიხარჯოს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო