მამუკა მდინარაძე სპეკულაციას უწოდებს თემირლან მაჩალიკაშვილის საქმეზე იმ ოპოზიციონერების განცხადებებს, რომლებმაც დახურულ შეხვედრაზე ამ თემაზე არასაჯარო ინფორმაცია მოისმინეს

მე შეიძლება ოჯახის წევრს ათასჯერ უკეთესად გავუგო, ვიდრე იმ პოლიტიკოსებს, რომლებიც პანკისში ჩატარებულ სპეცოპერაციასთან დაკავშირებით პარლამენტში გამართულ დახურულ შეხვედრაზე იმყოფებოდნენ, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ჟურნალისტებს განუცხადა, რითაც უპასუხა სუს-ის უფროსის ყოფილი მოადგილის, სოსო გოგაშვილის პასუხისგებაში შესაძლო მიცემის თაობაზე დასმულ კითხვას. მდინარაძე სპეკულაციას უწოდებს თემირლან მაჩალიკაშვილის საქმეზე იმ ოპოზიციის წევრების განცხადებებს, რომლებიც მისი თქმით, დახურულ შეხვედრაზე იმყოფებოდნენ და ამ თემაზე არასაჯარო ინფორმაციაც მოისმინეს.

„გასაგებია, რომ თემის აქტუალიზაცია ხელოვნურადაც ხდება. მე შეიძლება ოჯახის წევრს ათასჯერ უკეთესად გავუგო, ვიდრე იმ პოლიტიკოსებს, რომლებიც ამ საკითხთან დაკავშირებით იმყოფებოდნენ პარლამენტში გამართულ დახურულ შეხვედრაზე. ისინი ამ დახურული შეხვედრის შემდეგ გამოვიდნენ და იგივე მესიჯ-ბოქსში ისხდნენ, რომლითაც ამ თემაზე სპეკულაციურად საუბრობდნენ. მე ამას შემთხვევით არ ვამბობ. დახურულ ფორმატში იყო უამრავი ინფორმაცია, მათ შორის ის დეტალები, რომლებიც უსაფრთხოების სამსახურის მიერ ვერ იქნება ღია ფორმატში წარმოდგენილი, ამ წარმოუდგენლობის მიზეზებიც ძალიან კარგად იციან პატივცემულმა ოპონენტებმა, მაგრამ ამ თემით სპეკულირებას მაინც აგრძელებენ. ეს სამწუხაროა, რაც შეეხება რომელიმე ადამიანის პასუხისგებას ან მისი უდანაშაულობაზე საუბარს, ამ ყველაფერს სჭირდება კონკრეტული მტკიცებულებები ორივე მიმართულებით. ჩვენ ვნახეთ, რომ არავინ ერიდება არანაირი თანამდებობის პირის დაბარებას, თუკი მისი გამოკითხვის აუცილებლობა არსებობს. იყვნენ ადამიანები ქვეყანაში, რომლებსაც არათუ დაკითხვაზე დაბარებას, არამედ პარლამენტში მოსულებს კითხვის დასმასაც ვერ უბედავდნენ. დღეს არის სხვა სტანდარტი და ამ სტანდარტის გადასაფარად ძალიან ხშირად ნეგატიური პიარ-კამპანია მიმდინარეობს,“ - განაცხადა მდინარაძემ.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
"სილქნეტი" მომხმარებელს 29 სექტემბერს მობილურ ქსელში დაფიქსირებული შეფერხების შესახებ ინფორმაციას აწვდის და შექმნილი დისკომფორტისთვის ბოდიშს უხდის
"სილქნეტი" კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ განცხადებას ავრცელებს
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს