გიგი უგულავა - პროკურატურა არც ადრე იყო პოლიტიკური დევნისგან შორს, მაგრამ ივანიშვილის პირობებში, თავიდან ბოლომდე ძალადობის ინსტრუმენტია

პროკურატურა, სამწუხაროდ, არც ადრე იყო პოლიტიკური დევნისგან შორს, მაგრამ ივანიშვილის პირობებში, თავიდან ბოლომდე ეს არის ძალადობის ინსტრუმენტი, - ამის შესახებ ჟურნალისტებს „ევროპული საქართველოს“ წევრმა გიგი უგულავამ ყოფილი პროკურორის, სალომე ადეიშვილის „ფეისბუქ“ სტატუსის შეფასებისას განუცხადა.

მისივე თქმით, „ეს ადამიანები არ ექვემდებარებიან არანაირ კანონს და არ ცნობენ არაფერს“.

„არსებობს მხოლოდ ივანიშვილი, რომელთანაც აუდიენციაზე კვლავ ირაკლი შოთაძე დადის, მიუხედავად იმისა, რომ ეს კაცი აღარაა პროკურორი. მთლიანადაა პოლიტიკური დევნის ინსტრუმენტი, იგონებენ და თხზავენ საქმეებს. ბოლომდე დეგრადირდა ეს ინსტიტუტი. გასაკვირი არაფერია არააა, თავიდან ბოლომდე ეს არის ძალადობის ინსტურმენტი ივანიშვილის ხელში, ყველა სხვა გამფორმებელია,“ - განაცხადა უგულავამ.

მისივე თქმით, თუ სასამართლოში ალაგ- ალაგ ადამიანები შეიძლება დატოვო, პროკურატურიდან „მთლიანადაა გამოსახვეტი მთელი შემადგენლობა“.

შეგახსენებთ, პროკურატურის ყოფილმა თანამშრომელმა სალომე ადეიშვილმა გუშინ გაავრცელა საჯარო განცხადება, რომელშიც პროკურატურაში არსებულ იმ მდგომარეობაზე საუბრობს, რის გამოც, მისი თქმით, სამსახურიდან წამოსვლა მოუხდა. როგორც ის ამბობს, პროკურატურაში იყო სექსუალური შევიწროების, ნეპოტიზმის და სხვა პრობლემები.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს