21-23 ოქტომბერს საქართველოში ვიზიტით მყოფმა აზიის განვითარების ბანკის (ADB) ვიცე-პრეზიდენტმა შიშინ ჩენმა საქართველოს ვიცე-პრემიერს, რეგიონული განვითარების და ინფრასტრუქტურის მინისტრს მაია ცქიტიშვილს კიდევ ერთხელ დაუდასტურა ADB-ის მტკიცე მხარდაჭერა საქართველოს ეკონომიკური და სოციალური განვითარებისთვის ხელშეწყობისთვის.
“ADB-ის თანამშრომლობა საქართველოსთან ბოლო წლებში მნიშვნელოვნად გაიზარდა, რაც გამოიხატა მრავალმხრივი და ხანგრძლივი შედეგის მქონე კომპლექსური ინფრასტრუქტურული პრიორიტეტების განხორციელების ხელშეწყობაში, რაც ეკონომიკური ზრდის საფუძველს წარმოადგენს.
„ADB ყურადღებას გაამახვილებს შრომითი უნარების გადამზადებასა და სამუშაო ადგილების შესაქმნელად საჭირო ინოვაციებსა და ინვესტიციებზე, ასევე ორიენტირებული იქნება ქალაქების განვითარებასა და რეგიონული ვაჭრობის გაფართოებაზე სატრანსპორტო კავშირების გაძლიერების გზით“, - განაცხადა ვიცე-პრეზიდენტმა.