უზბეკეთისთვის ჩვენი კორიდორი არის ერთ-ერთი მნიშვნელოვანი და ხელსაყრელი ტვირთების გადასაზიდად, - ამის შესახებ ანაკლიის განვითარების კონსორციუმის ფინანსურმა დირექტორმა ზურაბ ფიჩხაიამ განაცხადა. ანაკლიის პორტის მშენებლობა დღეს უზბეკეთის დელეგაციამ დაათვალიერა.
ფიჩხაია მიიჩნევს, რომ უზბეკეთი ტვირთების გადასაზიდად ანაკლიის პორტს აქტიურად გამოიყენებს.
„ეს იყო უზბეკეთის ოფიციალური დელეგაციის ვიზიტი, რაც ძალიან მნიშვნელოვანია. უზბეკეთი ჩვენი სტრატეგიული პარტნიორია. მოლოდინი გვაქვს, რომ სამომავლოდ ეს პორტი გაეშვება და აქტიურად გამოიყენებენ ჩვენს კორიდორს. უზბეკეთისთვის ჩვენი კორიდორი არის ერთ-ერთი მნიშვნელოვანი და ხელსაყრელი ტვირთების გადასაზიდად“, - ამბობს ზურაბ ფიჩხაია.
უზბეკეთის დელეგაცია დღეს ფოთის ტერმინალსაც სტუმრობდა.