სასტუმრო „ქორთიარდ მერიოტში“ დისტანციური სწავლების მესამე ეროვნული კონფერენცია გაიხსნა

სასტუმრო „ქორთიარდ მერიოტში“ დისტანციური სწავლების მესამე ეროვნული კონფერენცია გაიხსნა.

თავდაცვის სამინისტროს ინფორმაციით, ფორუმი საქართველოს თავდაცვის ძალების მეთაურის მოადგილემ, გენერალ-მაიორმა შალვა ჯაბახიძემ გახსნა. სიტყვით გამოსვლისას, მან ყურადღება განათლების სფეროში დისტანციური სეგმენტის მნიშვნელობაზე და დისტანციურ სწავლებაზე გაამახვილა. ამასთან, დისტანციური სწავლების შესაძლებლობების განვითარების საქმეში პარტნიორების მხარდაჭერა ხაზგასმით აღინიშნა და ნორვეგიის თავდაცვის სამინისტროსა და აშშ-ის ჯეფერსონის ინსტიტუტის წარმომადგენლებს მადლობა გადაუხადა.

„მონაწილეებს სიტყვით თავდაცვის ინსტიტუციური აღმშენებლობის სკოლის (DIBS) დირექტორმა, თეა ნიკოლაშვილმა და აშშ-ის ჯეფერსონის ინსტიტუტის პრეზიდენტმა აარონ პრესნალმა მიმართეს და კონფერენციის მნიშვნელობაზე ისაუბრეს. ღონისძიების ფარგლებში აშშ-ის თავდაცვის დეპარტამენტის დისტანციური სწავლების ხელმძღვანელის სეი შატსის ვიდეომიმართვაც გაიმართა.

ღონისძიება მიზნად თავდაცვისა და უსაფრთხოების სექტორში დისტანციური სწავლების პოპულარიზაციასა და გრძელვადიან პერსპექტივაში მისი სამხედრო განათლებისა და წვრთნების პროცესში ინტეგრირების მხარდაჭერას ისახავს. კონფერენციაში თავდაცვისა და უსაფრთხოების, ასევე განათლების სექტორიდან სხვადასხვა უწყებების 100-მდე წარმომადგენელი მონაწილეობდა. კონფერენციის ფარგლებში მონაწილეებს აღნიშნულ სფეროში საერთაშორისო გამოცდილებისა და საუკეთესო პრაქტიკის გაზიარებისა და ასევე დარგის შესაძლებლობების განვითარებასთან დაკავშირებით სამომავლო გეგმებზე მსჯელობის შესაძლებლობა ჰქონდათ“, - აცხადებენ თავდაცვის სამინისტროში.

დისტანციური სწავლების ეროვნული კონფერენცია თავდაცვის ინსტიტუციური აღმშენებლობის სკოლის (DIBS) ორგანიზებით, საქართველოს თავდაცვის სამინისტროს, ნორვეგიის თავდაცვის უნივერსიტეტისა და აშშ-ს ჯეფერსონის ინსტიტუტის მხარდაჭერით ჩატარდა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ