ბრალდებული რუსი ჰაკერის საქმის პროკურორის, ვასილ სამხარაძის განცხადებით, სუმბაევის ექსტრადირების შესახებ მისთვის დღეს გახდა ცნობილი

ბრალდებული რუსი ჰაკერის იაროსლავ სუმბაევის საქმის პროკურორის, ვასილ სამხარაძის განცხადებით, სუმბაევის ექსტრადირების შესახებ მისთვის დღეს გახდა ცნობილი.

როგორც სასამართლო პროცესის გადადების შემდეგ სამხარაძემ ჟურნისტებს განუცხადა, რუსი ჰაკერის ექსტრადირება რუსეთის ფედერაციაში მის წინააღმდეგ წარმოებულ სისხლის სამართლის საქმეს უკავშირდება, საქართველოში კი, საზღვრის უკანონო კვეთასთან დაკავშირებით განიხილება საქმე.

„მისი ექსტრადირების შესახებ ჩემთვის დღეს გახდა ცნობილი. 10 დღეში ჩაინიშნა შემდეგი პროცესი და განიხილება მისი ბრალეულობის საკითხი, მან უკანონოდ გადმოკვეთა თუ არა საქართველოს სახელმწიფო საზღვარი და ჰქონდა თუ არა მას ყალბი დოკუმენტაცია. მისი მონაწილეობის გარეშეც შესაძლებელია მოხდეს ამ საქმის განხილვა. განაჩენის გამოტანაც დაუსწრებლად შეიძლება.

რუსეთში მიმდინარე სისხლის სამართლის საქმის ფარგლებში მოხდა მისი ექსტრადირება", - განაცხადა სამხარაძემ.

შეგახსენებთ, რომ რუსული მედიის ინფორმაციით, ოფიციალურმა თბილისმა მოსკოვს ჰაკერი იაროსლავ სუმბაევი გადასცა, რომელიც ბრალდებულია გამომძიებელ ევგენი შიშკინის მკვლელობის საქმეზე.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა