თუ შეთანხმებულ ზონაში ტერორისტული თავდასხმები მოხდება, ანკარა ოპერაციას გააგრძელებს, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა. მისი თქმით, თურქეთი სამხედრო ოპერაციას მხოლოდ უკიდურეს შემთხვევაში დაიწყებს.
„ჩვენ კონტროლი მოვიპოვეთ 4 200 კვადრატულ კილომეტრზე და ახლა 444 კილომეტრის სიგრძის ზოლს რუსებთან ერთად ვაკონტროლებთ“, - განაცხადა ერდოღანმა.
შეგახსენებთ, რომ თურქეთის პრეზიდენტმა გასულ კვირას სირიის ჩრდილოეთში სამხედრო ოპერაცია შეაჩერა და ქურთულ ძალებს 120 საათი მისცა იმ ტერიტორიის დასატოვებლად, სადაც თურქეთი „უსაფრთხო ზონის“ მოწყობას გეგმავს. სამხედრო ოპერაციის „მშვიდობის წყაროს” მიზანი, ანკარას მტკიცებით, „უსაფრთხო ზონის“ შექმნა და მილიონობით სირიელი დევნილის საკუთარ სახლებში დაბრუნებაა.