„ისლამური სახელმწიფოს“ ლიდერის აბუ ბაქრ ალ-ბაღდადის სიკვდილი ამ ორგანიზაციისა და მისი იდეოლოგიის დასრულებას არ ნიშნავს, - ამის შესახებ ირანის მთავრობის პრეს-სპიკერმა ალი რაბიაიმ განაცხადა.
„ბაღდადის სიკვდილი „ისლამურ სახელმწიფოსა“ და მის იდეოლოგიას არ დაასრულებს, რომელიც რეგიონული ნავთობდოლარების დახმარებით შეიქმნა და აღორძინდა,“- აღნიშნულია ალი რაბიაის „ტვიტერში“ გამოქვეყნებულ პოსტში.
სააგენტო „როიტერსი“ წერს, რომ რაბიაიმ აშკარა მინიშნება მის რეგიონალურ მეტოქეზე - საუდის არაბეთზე გააკეთა.
შეგახსენებთ, ამერიკელი სამხედროების მიერ სირიაში ჩატარებული სპეცოპერაციის დროს „ისლამური სახელმწიფოს“ ლიდერი აბუ ბაქრ ალ-ბაღდადი დაიღუპა. აშშ-ის პრეზიდენტის დონალდ ტრამპის ინფორმაციით, ბაღდადმა გაქცევის დროს თავი „ შაჰიდის ქამრით“ აიფეთქა.