ამ საკითხის მხარდასაჭერად აუცილებელია საპარლამენტო ოპოზიციის მობილიზება, ვინაიდან ამ საკითხს სჭირდება მაღალი მხარდაჭერა, რომ ცვლილება განხორციელდეს,- ამის შესახებ იურიდიულ საკითხთა კომიტეტის თავმჯდომარემ ანრი ოხანაშვილმა ჟურნალისტებთან 2020 წლის არჩევნებისთვის საკონსტიტუციო ცვლილებებთან დაკავშირებით განაცხადა.

მან იმედი გამოთქვა, პროექტს საპარლამენტო ოპოზიციის მხარდაჭერა ექნება. რაც შეეხება ბლოკების დაშვებას, საპარლამენტო უმრავლესობას იგივე პოზიცია აქვს და ამ საკითხში ოპოზიციას არ ეთანხმება.

„ჩვენი პოზიცია, რომელიც გვქონდა ისევ იგივე რჩება. ჩვენ მხარს ვუჭერთ ჩვენს მიერ წარმოდგენილ ვერსიას, სადაც არ არის გათვალისწინებული ბლოკების ვერსია, ვინაიდან შემოთავაზებულია ე.წ. ბუნებრივი ბარიერი", - განაცხადა ანრი ოხანაშვილმა.

შეგახსენებთ, კონსტიტუციურ კანონში შესატან ცვლილებებს იურიდიულ საკითხთა კომიტეტი განიხილავს, რომელსაც არასაპარლამენტო ოპოზოციაც ესწრება.