არაკორექტულია სახელმწიფო ჩინოვნიკის მხრიდან აზარტულ თამაშებში ჩართულობა, - ასე აფასებს უმრავლესობის ლიდერი გიორგი ვოლსკი ამბროლაურის მერის მიერ ავტომობილ “პორშეს” მოგების საკითხს. ვოლსკის თქმით, აღნიშნულში “უხერხულობაზე მეტს ხედავს” .
„შეუფერებელია სახელმწიფო სტრუქტურაში ხელმძღვანელ პოსტზე დასაქმებული ადამიანის აზარტულ თამაშებში მონაწილეობა, მითუმეტეს, არჩეულის. ქალაქის მერი დამოუკიდებელია თავის გადაწყვეტილებებში, იგი არჩეულია, მას ამბროლაურის მოსახლეობა ენდობა, მაგრამ სწორედ ამ მოსახლეობასთან უნდა იყოს მაქსიმალურად კორექტული. ვფიქრობ, რომ არაკორექტულიც არის სახელმწიფო ჩინოვნიკის მხრიდან აზარტულ თამაშებში ჩართულობა“, - განაცხადა გიორგი ვოლსკიმ.