ჰონგ-კონგში სავაჭრო ცენტრ CityPlaza-ში უცნობმა პირმა 4 მოქალაქე დანით დაჭრა

ჰონგ-კონგში სავაჭრო ცენტრ CityPlaza-ში უცნობმა პირმა 4 მოქალაქე დანით დაჭრა. ამ ინფორმაციას „ბიბისი“ ავრცელებს. აღნიშნული სავაჭრო ცენტრი საპროტესტო აქციების დროს ჰონგ-კონგელთა თავშეყრის ერთ-ერთ მთავარ ადგილს წარმოადგენს. თავდასხმის შემდეგ დამნაშავე ადგილიდან მიიმალა, მისი ვინაობა ჯერჯერობით უცნობია.

პარალელურად კი, ჰონგ-კონგში გამართული მასშტაბური საპროტესტო აქციები კვლავ არეულობაში გადაიზარდა. დემონსტრანტები ქალაქის ცენტრალურ ნაწილში შეიკრიბნენ და გზის გადაკეტვა სცადეს. პოლიციამ მათი დაშლა ცრემლსადენგი გაზისა და წლის ჭავლის გამოყენებით სცადა. დემონსტრანტების ნაწილმა სამართალდამცველების მიმართულებით ასაფეთქებელი მოწყობილობები ისროლა. დაპირისპირების დროს 17 ადამიანი დაშავდა.

მიუხედავად იმისა, რომ ჰონგ-კონგის მთავრობამ პატიმართა ექსტრადირების კანონი უკან 23 ოქტომბერს გაიწვია, მოსახლეობა აქციების გამართვას მაინც აგრძელებს. საპროტესტო აქციები მარტში მას შემდეგ დაიწყო, რაც ოფიციალურმა პეკინმა ჰონგ-კონგიდან ჩინეთის დანარჩენ ტერიტორიაზე პატიმართა ექსტრადირების შესახებ კანონის მიღება გადაწყვიტა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს