მეუფე პეტრემ ჭყონდიდის მიტროპოლიტს, მეუფე გრიგოლს (კაცია) ღირსეული ჭყონდიდლობა უსურვა. მეუფე პეტრე ეპარქიას ტოვებს, თუმცა არ აკონკრეტებს, როდის წავა. მეუფე პეტრე არც სამომავლო გეგმებზე საუბრობს, თუმცა აღნიშნა, რომ სასულიერო ცხოვრებას გააგრძელებს.

"ზოგადად მიმაჩნია, რომ ქრისტიანული პრინციპი არის უკეთესის არჩევა. როდესაც მოვედი ეკლესიაში, აღმოვაჩინე ცათა სასუფეველი, ავირჩიე უკეთესი ღვთის მსახურება. ეკლესიაში მოსვლისთანავე მივხვდი, რომ ღვთისთვის თავის შეწირვა ანუ ბერობა იყო უკეთესი არჩევანი. ახლა ამ მოვლენების დროს, სინოდის სხდომაზეც უკეთესი ავირჩიე, ვიდრე თავის დამცირება. სიმდაბლე ადამიანს აცხოვნებს, მაგრამ ეს არ უნდა ხდებოდეს ღისრების ხარჯზე",- განაცხადა მეუფე პეტრემ.

რაც შეეხება სასულიერი პირების ნაწილის მოსაზრებებს, რომ მეუფე პეტრე ებრძვის პატრიარქს. ყოფილი მიტროპოლიტი ამბობს: „მე ვებრძვი უსამართლობას და უზნეობას და ისინი ასევე პატრიარქს აყენებენ შეურაცხყოფას, როდესაც ამას აიგივებენ პატრიარქთან".