რუსთავში ორგანიზაცია „გავიგუდეთ“ საპროტესტო აქციას მართავს

სამოქალაქო ორგანიზაცია „გავიგუდეთ“ აქტივისტების ორგანიზებით, რუსთავში, მერიასთან, თავისუფლების მოედანზე საპროტესტო აქცია „ტექნოგენური თაობის დასასრული“ მიმდინარეობს. აქციის ორგანიზატორების განცხადებით, დღევანდელ საპროტესტო შეკრებას მშვიდობიანი მანიფესტაციის ფორმა აქვს და არანაირი კავშირი არა აქვს პოლიტიკასთან და პოლიტიკოსებთან.

„ქალაქი ეკოლოგიური კატასტროფის წინაშე დგას, საწარმოები სისტემატურად აბინძურებენ მავნე გამონაბოლქვით გარემოს, ჩვენ აქ შევიკრიბეთ იმისთვის, რომ დავიცვათ შვილები და მომავალი თაობა. სწორედ ამიტომ დაერქვა აქციას - "ტექნოგენური თაობის დასასრული“,- განაცხადა აქციის ერთ-ერთმა ორგანიზატორმა.

ორგანიზაცია ,,გავიგუდეს" წევრებმა აქციაზე ხელმოწერები შეაგროვეს, რომელსაც პეტიციას დაურთავენ. აღნიშნული პეტიციით, ისინი შესაბამის ორგანოებს მოუწოდებენ, ქმედითი ნაბიჯები გადადგან, ვინაიდან რუსთავში გარემოს დაბინძურების კუთხით, მართლაც კატასტროფული მდგომარეობაა. აქციის მონაწილეებმა რუსთავში მოქმედი საწარმოების ხელმძღვანელებს 5-დღიანი ვადა მისცეს. როგორც ორგანიზაცია ,,გავიგუდეთ" წევრები აცხადებენ, თუ არ შეწყდება ატმოსფეროში მავნე ნივთიერებების გაფრქვევა, ისინი ყველგან მივლენ, სადაც ქარხნების მენეჯმენტის წარმომადგენლები იქნებიან და პროტესტის უფრო უკიდურეს ფორმებს მიმართავენ.

აქციაზე შეკრებილებს , სამოქალაქო აქტივისტებმა მოუწოდეს, დარეკონ გარემოს დაცვის ცხელ ხაზზე 153 და დააფიქსირონ საკუთარი პროტესტი.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა