მუსიკალური პროექტი Nostalgie გია ყანჩელს მიეძღვნება

მუსიკალური პროექტი Nostalgie - გია ყანჩელს მიეძღვნება. პროექტის ორგანიზატორების ინფორმაციით, დღეს, 4 ნოემბერს ქართველი კომპოზიტორის ენრი ლოლაშვილის რჩეული კომპოზიციები და კინომუსიკა რუსთაველის თეატრში დიდი მაესტროს, გია ყანჩელის სურვილითა და ინიციატივით შესრულდება.

„ენრი ლოლაშვილის პირველი საერთაშორისო წარმატება ნანა ჯორჯაძის ფილმს „ჩემი ინგლისელი პაპა“ უკავშირდება. ფილმმა კანის კინოფესტივალზე „ოქროს კამერა“ დაიმსახურა. მუსიკა განსაკუთრებულად აღინიშნა და ქართველი კომპოზიტორი 1987 წლიდან საფრანგეთში ახალ ფილმებზე სამუშაოდ მიიწვიეს.

ნანა ჯორჯაძის ფილმში ენრიმ პირველად ითანამშრომლა ძმასთან - ჟანრი ლოლაშვილთან, რომელიც ერთ-ერთ მთავარ გმირს განასახიერებდა.

ენრი ლოლაშვილს ეკუთვნის მუსიკა ქართული და უცხოური ფილმებისთვის: მიხეილ ჭიაურელის „ჭიდაობას რა უნდა“, „რასპუტინი“ ჟერარ დეპარდიეს მონაწილეობით, პოპულარული სერიალი „ლიკვიდაცია“, „ძმები კარამაზოვები“, ფრანგული ფილმი „აღსარება უცნობთან“, გრიგორ ჩხარტიშვილის „სახელმწიფო მდივანი“ და სხვა,”-აცხადებენ Nostalgie-ის ორგანიზატორები.

მათივე ცნობით, სცენაზე დამონტაჟებულ ეკრანზე სიმფონიური ორკესტრის მიერ შესრულებული ნაწარმოებების პარალელურად ნაჩვენები იქნება ეპიზოდები კინოფილმებიდან.

პროექტი თბილისის მერიის მხარდაჭერით ხორციელდება. სცენარისტი და რეჟისორია - თეონა ჯორბენაძე; მონაწილეობენ: ლიზა ბაგრატიონი, ნიკოლოზ რაჭველი, გიორგი ცაგარელი, სანდრო ნებიერიძე, ოთო ნემსაძე, პაპუნა შარიქაძე, დავით ჯაფარიძე, ლევან დეისაძე, ზაზა ცერცვაძე, ლევან კემულარია, წმინდა სამების ტაძრის საპატრიარქო გუნდი, ხელმძღვანელი: სვიმონ ჯანგულაშვილი, აფხაზეთის სახელმწიფო კაპელა, ხელმძღვანელი: ზვიად ბოლქვაძე, ევგენი მიქელაძის სახელობის საქართველოს ეროვნული სიმფონიური ორკესტრი დირიჟორი - პაატა ცეცხლაძე.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“