ჭყონდიდის ეპარქიის რეზიდენციაში, ეპარქიის გადაბარებასთან დაკავშირებით შექმნილი კომისიის წევრები შეიკრიბნენ

ჭყონდიდის ეპარქიის რეზიდენციაში, ეპარქიის გადაბარებასთან დაკავშირებით შექმნილი კომისიის წევრები შეიკრიბნენ. როგორც კომისიის ერთ-ერთი წევრი მამა ანდრია სარია, რომელმაც პროტესტის ნიშნად ინჩხურის ტაძრის წინამძღოლობა დატოვა, ამბობს, რომ ქონების აღწერა მარტვილის რეზიდენციიდან და ტაძრიდან დაიწყება.

„რაც შეეხება კომპეტენციას, მე ერთი ვიცი ნუგზარ სამხარაძე, რომელიც არის ეკონომისტი. ჩვენც ვართ ამ კომისიაში, რადგან ჩვენ უნდა გადავაბაროთ ქონება. დეტალურად მოხდება აღწერა. როდესაც აქ მეუფე პეტრე მოვიდა, მისი ინიციატივა იყო, რომ ყველაფერი გადაფორებულიყო ეპარქიის სახელზე, რომ ეს არის ეკლესიის ქონება და არა მისი პირადი. ჩვენ ამას ყოველთვის აღვნიშნავთ. რაც ჩემი ნივთი იყო, ეს არის წიგნები, რაც მოვაგროვე სტუდენტობის დროს. დანარჩენი, რაც ოდესმე უჩუქნიათ ჩემთვის, არის ეკლესიის ქონება და ეკლესიას დარჩება", - ამბობს ინჩხურის ტაძრის ყოფილი წინამძღვარი მამა ანდრია სარია.

კომისია ცხრა წევრისგან შედგება. მათ შორის არიან სასულიერო და საერო პირები. კომისიას სვეტიცხოვლის წინამძღვარი მეუფე სერაფიმე ჭედია ხელმძღვანელობს. კომისიის წევრები ვარაუდობენ, რომ მარტვილსა და აბაშაში შემავალი ტაძრების აღწერას დაახლოებით ორი კვირა დასჭირდება.

ჭყონდიდის ეპარქიას მეუფე პეტრე დღეს დატოვებს.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა