ე.წ. კანონიერი ქურდის მინდია ლავასოღლის ოჯახის წევრებმა ბათუმში თურქეთის საკონსულოსთან საპროტესტო აქცია შეწყვიტეს. როგორც მათ ჟურნალისტებთან საუბრისას განაცხადეს, საკონსულო მათ ოფიციალურ პასუხს მალე გასცემ.
როგორც ადვოკატი აცხადებს, დღის წესრიგში ლავასოღლის ექსტრადირების საკითხი არ დგას.
„დაპირება მივიღეთ, რომ ოფიციალურ პასუხს მივიღებთ, თუ რატომ იმყოფება ლავასოღლი საპატიმროში ბრალის წარდგენის გარეშე და ფაქტობრივად უკანონოდ. გვითხრეს, რომ ეს საკითხი მათთვის აქტუალურია",- განაცხადა ჟურნალისტებთან საუბრისას მინდია ლავასოღლის ადვოკატმა ალექსანდე კობაიძემ.
შეგახსენებთ, რომ ე.წ. კანონიერი ქურდის მინდია ლავასოღლის ოჯახის წევრები და ახლობლები ბათუმში, თურქეთის საკონსულოსთან აქციას მართავდნენ და კონსულთან შეხვედრას მოითხოვნენ. აქციის მონაწილეების თქმით, უნდა მოხდეს განმარტება რატომ არის მინდია ლავასოღლი დაკავებული. მათივე ინფორმაციით, მინდია ლავასოღლი თურქეთის საპატიმროში მძიმე მდგომარეობაში იმყოფება.