თბილისის სახელმწიფო სამედიცინო უნივერსიტეტი არ ადასტურებს გავრცელებულ ინფორმაციას, რომ „რომის პაპის თხოვნით, პატრიარქის მხარდამჭერ აქციაზე სამედიცინო ინსტიტუტის უცხოელი სტუდენტები მივიდნენ“

თბილისის სახელმწიფო სამედიცინო უნივერსიტეტი არ ადასტურებს გავრცელებულ ინფორმაციას, რომლის თანახმად, „რომის პაპის თხოვნით, პატრიარქის მხარდამჭერ აქციაზე სამედიცინო ინსტიტუტის უცხოელი სტუდენტები მივიდნენ“. ამის შესახებ ნათქვამია თბილისის სახელმწიფო სამედიცინო უნივერსიტეტის მიერ გავრცელებულ განცხადებაში.

„თბილისის სახელმწიფო სამედიცინო უნივერსიტეტი გაცნობებთ, რომ 2019 წლის 3 ნოემბერს სოციალურ მედიაში გავრცელებული ინფორმაცია, თითქოსდა „რომის პაპის თხოვნით, პატრიარქის მხარდამჭერ აქციაზე სამედიცინო ინსტიტუტის უცხოელი სტუდენტები მივიდნენ“, არ შეესაბამება სიმართლეს.

3 ნოემბერს თბილისის სახელმწიფო სამედიცინო უნივერსიტეტის საერთაშორისო სტუდენტები იმყოფებოდნენ ტრადიციულ ექსკურსიასა და ფოტოსესიაზე თბილისში, სტუდენტებმა სხვა ღირშესანიშნაოებებთან ერთად მოინახულეს სამების საკათედრო ტაძარი“, - ნათქვამია თბილისის სახელმწიფო სამედიცინო უნივერსიტეტის საზოგადოებასთან ურთიერთობის სამსახურის მიერ გავრცელებულ განცხადებაში.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა