თორნიკე რიჟვაძე ბათუმის ცენტრალურ ნაწილში მიმდინარე ინფრასტრუქტურულ პროექტებს გაეცნო

აჭარის მთავრობის თავმჯდომარე რეგიონში ინფრასტრუქტურული პროექტების სამუშაოების მონიტორინგს განაგრძობს. როგორც „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს, თორნიკე რიჟვაძე დღეს ბათუმში, დრამატული თეატრის მიმდებარედ, საცხოვრებელი კორპუსის ფასადის შეფუთვის სამუშაოების მიმდინარეობას ქალაქის მერთან, ლაშა კომახიძესთან ერთად გაეცნო. პროექტის ფარგლებში გათვალისწინებულია შენობის მობათქაშება, კედლის ფილების გაკვრა, სამღებრო სამუშაოები და ფასადის მოწყობა. ამ ეტაპზე სადემონტაჟო სამუშაოები მიმდინარეობს.

თორნიკე რიჟვაძის თქმით, ქალაქის ცენტრალურ ნაწილში აღნიშნული ინფრასტრუქტურის მოწყობა მნიშვნელოვნად შეცვლის ქალაქის იერსახეს.

,,დღეს, ბათუმის მერთან ერთად მოვინახულეთ რამდენიმე ობიექტი, სადაც ძალიან ინტენსიური სარეაბილიტაციო სამუშაოები მიმდინარეობს. რუსთაველის ქუჩაზე მიმდინარეობს რამდენიმე შენობის ფასადის შეცვლა. საოცრებათა პარკში წლების განმავლობაში არსებული პრობლემა, რომელიც უკავშირდებოდა დაზიანებულ ფილებს, ერთხელ და სამუდამოდ მოგვარდება. ამ მიმართულებით ჩვენ აქტიურად ვთანამშრომლობთ ბათუმის მერიასთან. ეს იქნება ის ინფრასტრუქტურული სამუშაოები, რომელიც გადაჭრის ათწლეულების განმავლობაში არსებულ პრობლემას“,-აღნიშნა მთავრობის თავმჯდომარემ.

რუსთაველის ქუჩაზე მდებარე შენობა განახლებულ იერსახეს მიმდინარე წლის ბოლოსთვის მიიღებს.

მთავრობის თავმჯდომარემ ბათუმის მერთან ერთად მოინახულა ანბანის კოშკის მიმდებარე ტერიტორიაზე მიმდინარე სარეაბილიტაციო სამუშაოები, სადაც ძველი ფილების დემონტაჟი, გრუნტის შეცვლა და ბეტონის საფარის დაგების მოსამზადებელი სამუშაოები ხორციელდება, პარალელურად მიმდინარეობს პედესტალის ფილების რეაბილიტაციაც.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ