„ერთიანი ნაციონალური მოძრაობის” თავმჯდომარე გრიგოლ ვაშაძე პარტიის სხვა წარმომადგენლებთან ერთად თელავსა და ნაფარეულში იმყოფებოდა, სადაც ადგილობრივი ორგანიზაციის წევრებსა და მოსახლეობას შეხვდა.
როგორც „ინტერპრესნიუსს“ „ნაციონალური მოძრაობიდან“ აცნობეს, შეხვედრის მიმდინარეობისას პარტიის ლიდერებმა 2020 წლის საპარლამენტო არჩევნებისთვის მოსამზადებელ სამუშაოებზე ისაუბრეს. „ასევე, ადგილობრივების მთავარ პრობლემებს გაეცნენ, რასაც მოუწესრიგებელი ინფრასტრუტურა და გაზრდილი ემიგრაცია წარმოადგენს. ისინი ენმ-ის გამარჯვების შემდეგ სოფლის მოსახლეობას დახმარებას დაჰპირდნენ“, - ნათქვამია პარტიის მიერ გავრცელებულ ინფორმაციაში.