ივანე მაჭავარიანი წყალტუბოს პროექტზე - არ არის აუცილებელი,  ადამიანი იყოს ეკონომისტი ან ბიზნესმენი, რომ  მიხვდეს, რამდენად მასშტაბურ და მნიშვნელოვან ინიციატივასთან გვაქვს საქმე

არ არის აუცილებელი ადამიანი იყოს ეკონომისტი ან ბიზნესმენი, რომ მიხვდეს, რამდენად მასშტაბურ და მნიშვნელოვან ინიციატივასთან გვაქვს საქმე, - ამის შესახებ ფინანსთა მინისტრმა ივანე მაჭავარიანმა წყალტუბოს აღორძინების პროექტის მნიშვნელობაზე საუბრისას განაცხადა.

მისი თქმით, ათასწლეულების განმავლობაში, კურორტს მოპოვებული ჰქონდა საკმაოდ სერიოზული ნიშა არა მხოლოდ ტურიზმის, არამედ გამაჯანსაღებელი კუთხით.

„თუ შევხედავთ დღეს ტურიზმის სექტორში არსებულ მსოფლიო ტენდენციებს, დავინახავთ, რომ ის ძირითადად, უკავშირდება ეკოტურიზმს, გამაჯანსაღებელ ტურიზმს, ასევე, ახალი ტრენდია გასტრონომიული ტურიზმი. წყალტუბოს კი აქვს უნიკალური შესაძლებლობები და პოტენციალი, ორივე ეს მიმართულება ხარისხობრივად სხვა დონეზე ავიდეს. ამის თქმის საშუალებას გვაძლევს კურორტის 100-წლიანი ისტორია. თუ არ ვცდები, ეს ტურისტული ადგილი თავის პიკში მასპინძლობდა 600 ათასზე მეტ დამსვენებელს. ეს ძალიან დიდი რიცხვია. ამ რიცხვზე გასვლა პირველივე წლებში არ იქნება იოლი, თუმცა ეს ნიშა არსებობს და თუკი ადრე ეს ნიშა ივსებოდა რუსეთიდან ან ყოფილი საბჭოთა კავშირის ქვეყნებიდან, დღეს გამოკვეთილად ვხედავთ, რომ დიდია დაინტერესება ისრაელიდან, ახლო აღმოსავლეთის ქვეყნებიდან. რატომ ხდება ეს? იმიტომ, რომ არის იაფი, ახლო და საკმაოდ კარგი ხარისხის. შესაბამისად, წყალტუბოს აქვს ძალიან დიდი პოტენციალი“, - აღნიშნა ივანე მაჭავარიანმა.

ფინანსთა მინისტრმა ყურადღება გაამახვილა იმ ფაქტორებზეც, თუ რატომ ვერ მოხერხდა ამ დრომდე მნიშვნელოვანი თანხების ინვესტირება კურორტის განვითარებისთვის.

„ალბათ იმიტომ, რომ ეს საკმაოდ რისკიანი წამოწყებაა ბიზნესისთვის, რომელიც საკმაოდ ფრთხილია. პირველი რისკის აღება ძალიან მნიშვნელოვანია და სწორედ ასეთი ტიპის გარღვევა, როგორც წესი, იოლი გასაკეთებელი არ არის. სწორედ ამიტომაა დასაფასებელი ეს ინიციატივა, რომელსაც ყინულმჭრელის ეფექტი აქვს და დარწმუნებული ვარ, პროექტი სხვა ბიზნესის წარმომადგენლებსაც დააინტერესებს“, - განაცხადა ფინანსთა მინისტრმა „იმედის“ ეთერში.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა