ბათუმში, სასტუმრო "ჰილტონში", თავდაცვისა და უსაფრთხოების კონფერენციის დაწყებამდე საევაკუაციო სიგნალი ჩაირთო, რის გამოც კონფერენციის მონაწილეებმა სხდომათა დარბაზი დატოვეს.
როგორც „ჰილტონის“ ადმინისტრაციაში განაცხადეს, განგაშის სიგნალის ჩართვა სამზარეულოში დაკვამლიანებამ გამოიწვია.
მათივე თქმით, შენობაში ყოფნა უსაფრთხოა და საგანგაში არაფერია.
ბათუმში, 10:00 საათზე, საქართველოს თავდაცვისა და უსაფრთხოების კონფერენციის გახსნაა დაგეგმილი. ღონისძიებას ნატო-ს გენერალური მდივნის მოადგილე, ალიანსის სხვა მაღალჩინოსნები და ამერიკელი კონგრესმენები უნდა დაესწრონ.