გიორგი გახარია - მიწის რეგისტრაციის საკითხს უახლოესი სამი წლის განმავლობაში საბოლოოდ გადავწყვეტთ

მიწის რეგისტრაციის პრობლემის მოგვარება უაღრესად მნიშვნელოვანია თითოეული ჩვენი მოქალაქისთვის, განსაკუთრებით მათთვის, რომლებიც სოფლად ცხოვრობენ და მიწას ფლობენ, - ამის შესახებ პრემიერ-მინისტრმა გიორგი გახარიამ, მთავრობის სხდომაზე განაცხადა.

როგორც პრემიერმა აღნიშნა, მიწის რეგისტრაციის მოგვარება ეკონომიკისთვისაც „კრიტიკულად მნიშვნელოვანია“.

„ჩვენ დღეს მიწის რეგისტრაციის საკითხს განვიხილავთ. მოგეხსენებათ, განსაკუთრებით რეგიონებში, სოფლებში ვიზიტების დროს, რომელსაც ახორციელებდნენ როგორც მთავრობის წევრები, ასევე პარლამენტის დეპუტატები, ერთ-ერთი ყველაზე მნიშვნელოვანი საკითხი გახლდათ მიწის რეგისტრაცია.

შესაბამისად, იუსტიციის სამინისტრომ დაამუშავა საკითხი და დღეს, ჩვენ განვიხილავთ მიწის სპორადული და სისტემური რეგისტრაციის შემდგომი განვითარების თაობაზე საკითხს, რამაც ხელი უნდა შეუწყოს უახლოესი სამი წლის განმავლობაში, ამ პრობლების სრულად მოგვარებას. ეს ერთის მხრივ, უაღრესად მნიშვნელოვანია თითოეული ჩვენი მოქალაქისთვის, განსაკუთრებით მათთვის, რომლებიც სოფლად ცხოვრობენ და ასევე იმ ადამიანებისთვის, რომლებიც ფლობენ სოფლად მიწას. მეორე მხრივ, ეს კრიტიკულად მნიშვნელოვანია ეკონომიკისთვის, რამეთუ მიწა გახლავთ ჩვენი ეკონომიკის ერთ-ერთი ყველაზე მნიშვნელოვანი რესურსი. ჩატარებული სამუშაოს და განხილვების შედეგად, შეგვიძლია სრული პასუხისმგებლობით განვაცხადოთ, რომ სპორადული და სისტემური რეგისტრაციის შემდგომი განვითარების პირობებში, უახლოესი სამი წლის განმავლობაში, ამ საკითხს საბოლოოდ გადავწყვეტთ“, - განაცხადა გიორგი გახარიამ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)