განათლების, მეცნიერების, კულტურისა და სპორტის ყოფილი მინისტრი მიხეილ ბატიაშვილი, ზუგდიდის მეექვსე საჯარო სკოლის ყოფილი დირექტორის ია კერზაიას საქმის სტრასბურგის სასამართლოში გაგზავნას მიესალმება. ბატიაშვილმა განმარტა, რომ მისი თანამდებობიდან წასვლა ამ საკითხს არ უკავშირდება და მიესალმება იმ პროცესს, რომელიც ია კერზაიას შვილმა, ბაჩანა შენგელიამ ადამიანის უფლებათა ევროპულ სასამართლოში დაიწყო.
„სადღაც საბუთების გაგზავნა, პირდაპირ ვერ დაუკავშირდება ამას. თუმცა შემიძლია გითხრათ და მანამდეც არაერთხელ განვაცხადე, რომ მივესალმები ამ საქმის სტრასბურგში გაგზავნას და ამ პროცესს“, - განაცხადა მიხეილ ბატიაშვილმა.
ზუგდიდის მე-6 საჯარო სკოლის ყოფილი დირექტორის ია კერზაიას შვილის, ბაჩანა შენგელიას ინფორმაციით, სტრასბურგის სასამართლოში დარეგისტრირდა სარჩელი „შენგელია საქართველოს წინააღმდეგ“.