ბათუმში, სამშენებლო კომპანია "გიგორის" წარმომადგენელი გამოკითხვაზე იმყოფება

ბათუმში, სამშენებლო კომპანია "გიგორის" წარმომადგენელი პოლიციის სამმართველოში გამოკითხვაზე იმყოფება. კომპანია „გიგორი“ სამშენებლო სამუშაოებს ბესიკის ქუჩაზე ახორციელებს, საიდანაც დღეს ახალგაზრდა მამაკაცი გადმოვარდა და გარდაიცვალა.

როგორც შრომის ინსპექტორმა ლევან ელიზბარიძემ განაცხადა, ბესიკის ქუჩაზე დათვალიერების შედეგად გამოიკვეთა, რომ ბაგირი არის დაზიანებული და დაჟანგული.

„ობიექტზე გამოიკვეთა ბაგირის გაწყვეტა, ბაგირი არის დაზიანებული და დაჟანგებული. დამსაქმებელთან გასაუბრება მოხდება. დამსაქმებელი როგორც გვითხრეს პოლიციაში დაკითხვაზე არის გადაყვანილი. ჩვენ მოვახდენთ დოკუმენტების გამოთხოვას და შესწავლას",- განაცხადა შრომის ინსპექტორმა ლევან ელიზბარიძემ.

შეგახსენებთ, რომ ბათუმში მშენებლობიდან ახალგაზრდა მამაკაცი ჩამოვარდა და ადგილზე გარდაიცვალა. მომხდართან დაკავშირებით, გამოძიება „სისხლის სამართლის კოდექსის" 240-ე მუხლით მიმდინარეობს, რაც სამთო, სამშენებლო ან სხვა სამუშაოების შესრულებისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს