ფილარმონიის მიმდებარე ტერიტორიაზე „ქართული მარშის“ წარმომადგენლები იკრიბებიან. ფილარმონიასთან იმყოფება „ქართული მარშის“ ერთ-ერთი ლიდერი სანდრო ბრეგაძე. როგორც მან აღნიშნა ისინი აპირებენ, რომ ფილმის პრემიერა მშვიდობიანი ფორმით ჩაშალონ.
„ჩვენ მოვედით როგორც მშვიდობიანი მანიფესტანტები და ვაცხადებთ, რომ ეს არის გარყვნილება და მის პროპაგანდას არ დავუშვებთ ამ ქვეყანაში. ეს არის ჩვენი მოთხოვნა და დანარჩენი რა იქნება ცოტა ხანში თქვენი თვალით იხილავთ ამას", - განაცხადა სანდრო ბრეგაძემ.
კითხვაზე, გამოიყენებენ თუ არა ძალას ფილმის ჩვენებაზე შესასვლელად და მის ჩასაშლელად, ბრეგაძე აცხადებს, რომ ძალის გამოყენება მხოლოდ მტერს აწყობს.
„ძალის გამოყენება უნდა ჩვენს მტერს და ვიღაცას არ მივცემთ ამის ფუფუნებას, რომ ძალის გამოყენების გამო აქ რაღაც ქმედებები განახორციელოს", - განაცხადა ბრეგაძემ