„პარაგრაფში“ ივანიშვილის შეკრებამ გამოიღო ეს ყველაფერი, რომ ვიღაცას უნდა შეახოცოს ხელი. ეს არის მისი ხრიკები, ყველაზე დაბალი ეშელონებიდან დაიწყო ადამიანების დაჭერა, - ამის შესახებ საკრებულოს წევრმა „ნაციონალური მოძრაობიდან“ დარეჯან ცხვიტარიამ ჟურნალისტებს ფოთის საკრებულოს თავმჯდომარის, ირაკლი კაკულიას დაკავებასთან დაკავშირებით განუცხადა.
მისი თქმით, მაშინ როცა გიორგი გახარია ამ დრომდე პრემიერ-მინისტრია, კაკულიას დაკავება აბსურდია.
„ამის ქვეყანაში, თვალთხარია გახარია არის პრემიერ-მინისტრი, კაკულიას დაჭერა არის აბსურდი. კი, მართალია ფოთში არაფერი კეთდება და ყველაფერი გაჩერებულია თითქმის, მაგრამ ეს იმას არ ნიშნავს, რომ ეს კაკულიას ბრალი იყო. ამ ქალაქში თუ რამე კეთდებოდა ყველაფერში ხელისუფლების მაღალი ეშელონები იყო ჩართული. მე და ირაკლი ძალიან კრიტიკულად ვიყავით ერთმანეთის მიმართ დამოკიდებული, მაგრამ ძალიან განვიცადე. დაჭერა ნამდვილად მიუღებელი იყო ჩემთვის“, - აღნიშნა დარეჯან ცხვიტარიამ.
შეგახსენებთ, ფოთის საკრებულოს თავმჯდომარეს, ირაკლი კაკულიას და მასთან ერთად დაკავებულ 3 პირს ბრალად სახელმწიფო ქონების თაღლითურად დაუფლება, დიდი ოდენობით ქრთამის აღება და ყალბი დოკუმენტის დამზადება ედებათ.