ბათუმში, კინოთეატრ „აპოლოსთან“ პოლიციის დამატებითი ძალები მივიდნენ. შინაგან საქმეთა სამინისტროს თანამშრომლები კინოთეატრის შესასვლელთან არიან განლაგებულები. „აპოლოსთან“ შეკრებილი აქციის მონაწილეები აცხადებენ, რომ ისინი არ დაუშვებენ ფილმის "და ჩვენ ვიცეკვეთ" ჩვენებას. კინოთეატრთან შეკრებილი ზოგიერთი მოქალაქე სამართალდამცველებს სიტყვიერ შეურაცხყოფას აყენებს.

„ეს არის ქართული გენის შეურაცხყოფა. სამართალდამცავები მოსული ხართ, რომ საკუთარ თავზე თქვათ უარი და გგონიათ, რომ თქვენი შეგვეშინდება?“, - მიმართა პოლიციელებს აქციის მონაწილე ირაკლი ანთიძემ.

აქცია „აპოლოსთან“ უკვე ოთხი საათის განმავლობაში მიმდინარეობს.