ფინანსთა სამინისტროს საგამოძიებო სამსახურის სამეგრელო - ზემო სვანეთის სამმართველოს ფოთის ოფისთან, ფოთის საკრებულოს თავმჯდომარის, ირაკლი კაკულიას და მასთან ერთად დაკავებულების ახლობლები და მეგობრები არიან შეკრებილი. მათ დეტალებზე საუბარი უჭირთ და ამბობენ, რომ ყველაფერი გაირკვევა.
„როგორც ვიცით, ოთხი პირია დაკავებული. ასეთი ინფორმაცია მაქვს. ჩემი აზრით, ძალიან დადებითი პიროვნებები არიან, რაც შეეძლოთ აკეთებდნენ. ახლობლებს არ გვჯერა, რასაც ედავებიან. იმედი გვაქვს ყველაფერი გაირკვევა“, - განუცხადა ჟურნალისტებს ირაკლი კაკულიას ახლობელმა ნანა მხეიძემ.
შეგახსენებთ, ფოთის საკრებულოს თავმჯდომარეს და მასთან ერთად დაკავებულ 3 პირს ბრალად სახელმწიფო ქონების თაღლითურად დაუფლება, დიდი ოდენობით ქრთამის აღება და ყალბი დოკუმენტის დამზადება ედებათ.