ბათუმში კინოთეატრ "აპოლოსთან" საპროტესტო აქცია გრძელდება. ცოტა ხნის წინ, აჭარის პოლიციის სამმართველოს უფროსმა კონსტანტინე ანანიაშვილმა სპეციალური განცხადება გააკეთა. როგორც მან ჟურნალისტებთან საუბრისას განაცხადა, შინაგან საქმეთა სამინისტრო აქციის მონაწილეება სიმშვიდის შენარჩუნებისკენ მოუწოდებს, წინააღმდეგ შემთხვევაში, სამართალდამცავები კანონი მიხედვით იმოქმედებენ.
"პოლიცია ყველა მოქალაქის უსაფრთხოებას დაიცავს. შინაგან საქმეთა სამინისტრო, როგორც მართლწესრიგზე პასუხისმგებელი უწყება, აქციის ორგანიზატორებს და მონაწილეებს მოუწოდებს, შეინარჩუნონ სიმშვიდე და არ გასცდნენ კანონის ფარგლებს. ნებისმიერი სამართალდარღვევის შემთხვევაში, პოლიციელებს შესაბამისი რეაგირება ექნებათ",- განაცხადა კონსტანტინე ანანიაშვილმა
შეგახსენებთ, რომ ბათუმში კინოთეატრ "აპოლოსთან" მოქალაქეთა ნაწილია შეკრებილი და ფილმის "და ჩვენ ვიცეკვეთ" ჩვენებას აპროტესტებენ.