ბათუმში, კინოთეატრ „აპოლოსთან“ სამართალდამცველებსა და აქციის მონაწილეებს შორის შეხლა-შემოხლა იყო. აქციის მონაწილეები კინოთეატრში შეშვებას მოითხოვენ, რის უფლებასაც პოლიცია არ აძლევს.

"აპოლოში" ფილმის „და ჩვენ ვიცეკვეთ“ ჩვენება მიმდინარეობს. კინოთეატრთან საპროტესტო აქცია იმართება, რომლის მონაწილეები ჩვენების შეწყვეტას მოითხოვენ. მათი განცხადებით, ფილმს არასრულწლოვნები ესწრებიან.

შეგახსენებთ, რომ ცოტა ხნის წინ აქციის მონაწილეებმა კინოთეატრ "აპოლოს" კვერცხები და პიროტექნიკა დაუშინეს.