საზოგადოებრივი მოძრაობა „ლელოს" მხარდამჭერებს მამუკა ხაზარაძე ქუთაისში, სასტუმრო „ბაგრატში" შეხვდა. ხაზარაძემ ქვეყნის განვითარების საკუთარ ხედვაზე ისაუბრა.

მამუკა ხაზარაძე მიიჩნევს, რომ ქვეყნის განვითარება ქუთაისიდან უნდა დაიწყოს და ქუთაისმა პოლიტიკური ცენტრის ფუნქცია უნდა დაიბრუნოს.

„მე ვფიქრობ, რომ პარლამენტის თბილისში დაბრუნება იყო შეცდომა. როგორ იქნება მომავალში, ეს ახალ პარლამენტზეა დამოკიდებული და იმედია, ეს ვიქნებით ჩვენ, მომავალში მივიღებთ გადაწყვეტილებას, რომ ქუთაისს დაუბრუნდეს სერიოზული პოლიტიკური ცენტრის სტატუსი. როგორ იქნება ეს განხორციელებული - ეს იქნება პარალამენტი, მთავრობა, რამდენიმე უწყება თუ სხვა რამ, ეს უკვე ჩვენს პროგრამაში იქნება კონკრეტულად გაწერილი“, - განაცხადა ხაზარაძემ.