მეუფე დამიანე - სად არის იმ ადამიანების სულიერება, რომლებსაც თითქოს ცხვირი აქვთ გაბრუნებული მეუფე გრიგოლისგან? ისინი აქ პეტრესთან მოდიოდნენ თუ უფალთან?  ჩვენ, პირველ რიგში, უფალთან მოვდივართ და არა ვიღაცის გულისთვის

სად არის იმ ადამიანების სულიერება, რომლებსაც თითქოს ცხვირი აქვთ გაბრუნებული მეუფე გრიგოლისგან? ისინი ვისთან მოდიან აქ, ჩემთან თუ გრიგოლთან? პეტრესთან მოდიოდნენ თუ უფალთან? ჩვენ, პირველ რიგში, უფალთან მოვდივართ და არა ვიღაცის გულისთვის. ეს ყოველთვის უნდა გვახსოვდეს, მით უმეტეს, ჩვენ სხვას უნდა ვასწავლოთ სულიერება, სხვას უნდა ავუხსნათ“,- ამის შესახებ სამთავისისა და კასპის ეპისკოპოსმა, მეუფე დამიანემ მარტვილის ღვთისმშობლის მიძინების ტაძარში ქადაგებისას განაცხადა.

მისი თქმით, კარგია, რომ მრევლს უყვარს საკუთარი მოძღვარი, მაგრამ არაა სწორი, რომ ეს ადამიანები მეუფე პეტრეს განცხადებებს იზიარებენ და მიყვებიან მას. მეუფე დამიანეს თქმით, მრევლი უნდა დაემორჩილოს სინოდის გადაწყვეტილებას და მეუფე გრიგოლს მხარი დაუჭიროს.

„თქვენ რომ ყოფილიყავით სინოდზე და მოგესმინათ, რა იყო, შეიძლება აქ კიდევ ჩხუბი დაგეწყოთ იმათ მიმართ, ვინც არასწორად იქცევა. საქმე იყო არა მეუფე პეტრეს მღვდელმსახურების შეჩერებაზე, არამედ განკვეთაზე და პატრიარქმა ეს არ გააკეთა. არავის არ უნდოდა ეს, მაგრამ მეუფე პეტრე არ გაჩერდა. მეუფე პეტრე ჩვენი ძმაა, ძალიან მწყინს, ამიტომ ყველას მინდა ვუთხრა, ვინც აქ არ არიან მათაც, ავუხსნათ, რომ შეცდომას აკეთებენ ისინი. ეს არაა სულიერება, ეს არაა მონაზვნის, სასულიერო პირის ქმედება. აქ რომ გითხრან მღვდელმთავარი არისო და დაგიყენოს სინოდმა, ადამიანი, რომელიც შეიძლება შესახედავად არ მოგწონდეს, მას მაინც უნდა დაემორჩილო, მღვდელმთავარია. პატივი ეცი ეკლესიას და უფალს, მეუფე გრიგოლი და არც ერთი სხვა არ მისულა სინოდში და არც უთქვამს მე ამირჩიეო.

ჩვენ არ ვიცით მეუფე პეტრეს რა დაემართა, აღსარებას აბარებს და ეტყვის, აუხსნის რაშია საქმე და ყველაფერი გაირკვევა. დღევანდელ დღეს ლოცვა გვჭირდება. ვილოცოთ მეუფე პეტრეზეც, გრიგოლზეც, რომელსაც დახმარება უნდა. აქ რაც მეუფე პეტრემ იშრომა, ის კი არ უნდა გავაბნიოთ, პირიქით - შევინარჩუნოთ, ეს არც თქვენია, არც ჩვენია, არც მეუფე გრიგოლის, ეს ღვთისაა, ჩვენ ვიქნებით თუ არა, აქ ანგელოზები ილოცებენ და იგალობებენ ტაძარში. ასე რომ, ნუ ვცდებით. ერთგულება კარგია, მაგრამ ყველაფერს თავის საზღვარი აქვს. სულიერებას არ უნდა გადავცდეთ ერთგულებაში.

უფალი გვეუბნება, რომ თუ შენ შენი გვერდით მყოფი არ გიყვარს, მე როგორ შემიყვარებ, რომელსაც სულ არ მიცნობო. ვილოცოთ და მხარში ამოვუდგეთ ერთმანეთს. დღეს ძალიან სჭირდება მეუფე გრიგოლს მხარში ამოდგომა. ყველა მღვდელმთავარი მასთანაა“,- განაცხადა ეპისკოპოსმა დამიანემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო