ადვოკატი - ფოთის საკრებულოს თავმჯდომარის დაკავება კონკრეტული პირების ინტერესში შედის

ფოთის საკრებულოს თავმჯდომარის, ირაკლი კაკულიას ადვოკატმა, ედიშერ ქარჩავამ მალთაყვის ბულვარში შესრულებული სამუშაოები დაათვალიერა, რომლის რეაბილიტაციასთან დაკავშირებით გამოძიებას კაკულიასთან შეკითხვები აქვს. ქარჩავას მიაჩნია, რომ მისი დაცვის ქვეშ მყოფისთვის წაყენებული ბრალდებები უსამართლოა.

,,გადმომეცა საქმის მასალები. რა თქმა უნდა, სრულად არ ვიცნობ საქმეს და სრულ ანალიზს ვერ გავაკეთებ, მაგრამ იმ ბრალის დადგენილებიდან გამომდინარე, რომელიც მე გადმომეცა და პირველ რიგში, ათი ტომიდან, ყურადღებას ვამახვილებ იმ მტკიცებულებზე, რომლებიც უშუალოდ ჩემი დაცვის ქვეშ მყოფ ირაკლი კაკულიას ეხება. პირდაპირი მტკიცებულება, რომ თითქოს მან 170 ათასი ლარი აიღო, არ არსებობს. ერთადერთი რაზეც ედავებიან, რომ თითქოს, მან 4 მილიონიან ტენდერიდან 18 ათასი ლარის ზიანი მიაყენა სახელმწიფოს, რაც, რა თქმა უნდა, დაუსაბუთებლად მიმაჩნია იქიდან გამომდინარე, რომ მალთაყვის განაშენიანების პროექტი არ იყო 4 მილიონიანი პროექტი და ეს იყო საწყისი. ის საბოლოო სახე, რაც უნდა მიეღო ამ ტერიტორიას, ჯერ არ არის სახეზე. აქ იყო გაუვალი ჭაობი. იწყებოდა მინიმუმ 18 მილიონით და შესაძლებელია, რომ ეს ყოფილიყო დაახლოებით 50 მილიონიანი პროექტი. აქედან გამომდინარე მიმაჩნია, რომ ირაკლი კაკულიამ საფუძველი ჩაუყარა მართლაც ეროვნული მნიშვნელობის საქმეს, რაც ტურისტული განვითარებას ისახავს მიზნად. ეს თუნდაც ფოთისთვის, ფოთის მცხოვრებლებისთვის დამატებითი შემოსავლის წყაროა. ამ ტერიტორიის განვითარება რომ სახელწიფო ინტერესებშია, ეს უკვე დადასტურდა იმითაც, რომ ბოლო პერიოდში ამ ტერიტორიის განვითარების გენერალური გეგმა შედგა. ეს იყო ირაკლი კაკულიას იდეა, მისი დაწყებული პროექტი, ვიღაცის ინტერესებში არ შედიოდა, რომ ეროვნული ტურისტული ინფრასტრუქტურის განვითარება ირაკლი კაკულიას სახელთან ყოფილიყო დაკავშირებული“,-განაცხადა ედიშერ ქარჩავამ.

ქარჩავას თქმით, კაკულიას დაკავება კონკრეტული პირების ინტერესში შედის.

,,აქ შესაძლებელია, რომ კონკრეტული პირების ინტერესებს უფრო ვხედავდეთ, რომ არ უნდოდათ ირაკლი კაკულია, როგორც პარტიის თავმჯდომარე, რომელმაც ბევრი რამ გააკეთა „ქართული ოცნებისთვის“, გამოჩენილიყო, როგორც ფოთში ეროვნული იდეის წამომწყებად. ჩემი დაცვის ქვეშ მყოფი არ აღიარებს დანაშაულს, ვინაიდან ის გარკვეული ქმედებები, რასაც თითქოს მას ედავებიან, არ იყო მისი მხრიდან განხორციელებული. თუ რაიმე ხარვეზი, შეცდომა, გადაცდომა იყო პროექტთან მიმართებაში, ეს არ იყო იმ მნიშვნელობის, რომ აუცილებელი ყოფილიყო მისი ასე საჯაროდ დაკავება.ეს არ შედის არც სახელმწიფოს და არც მმართველი პარტიის ინტერესში“,- აღნიშნა ედიშერ ქარჩავამ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო