ზუგდიდის სასამართლოში ფოთში სახელმწიფო ქონების თაღლითურად დაუფლების, დიდი ოდენობით ქრთამის აღებისა და ყალბი დოკუმენტების დამზადების საქმეზე 11 პირის პროცესი მიმდინარეობს
ზუგდიდის რაიონულ სასამართლოში ფოთში სახელმწიფო ქონების თაღლითურად დაუფლების, დიდი ოდენობით ქრთამის აღებისა და ყალბი დოკუმენტების დამზადების საქმეზე 11 პირის პროცესი მიმდინარეობს.
ფოთის საკრებულოს თავმჯდომარისა და მასთან ერთად დაკავებული ყოფილი და მოქმედი საჯარო მოხელეების გარდა, პროცესს კიდევ შვიდი პირი ესწრება. არსებული ინფორმაციით, ისინი კერძო კომპანიების წარმომადგენლები და ექსპერტები არიან.
პროკურატურა საკრებულოს თავმჯდომარის ირაკლი კაკულიასა და კიდევ ოთხი ბრალდებულის მიმართ აღკვეთი ღონისძიების სახით პატიმრობის გამოყენებას, ხოლო დანარჩენი ექვსი პირის მიმართ გირაოს შეფარდებას ითხოვს.
დარბაზში მყოფი ბრალდებუთა ნაწილი თავს დამნაშავედ არ მიიჩნევეს, ნაწილი ბრალს სრულად ან ნაწილობრივ ეთანხმება.
რაც შეეხება ირაკლი კაკულიას და მასთან ერთად დაკავებული სამი პირი. ისინი ბრალს არ აღიარებენ.
