ბათუმში, კინოთეატრ "აპოლოსთან" ფილმის „და ჩვენ ვიცეკვეთ“ ჩვენების მოწინააღმდეგეები ისევ შეიკრიბნენ. კინოთეატრთან მობილიზებული არიან სამართალდამცავებიც.

აქციის ორგანიზატორების თქმით, მათთვის მიუღებელია ფილმის ჩვენება, რადგან მიაჩნიათ რომ ქართველი ერის შეურაცხყოფაა. აქციის მონაწილეები მაყურებლებს კინოთეატრში არშესვლისკენ მოუწოდებენ. რაც შეეხება სამართალდამცავებს, ისინი აქციის მონაწილეებს მოუწოდებენ, რომ სიმშვიდე შეინარჩუნონ და მართლწესრიგი არ დაარღვიონ.