ადვოკატის განცხადებით, ფოთის საკრებულოს თავმჯდომარის ირაკლი კაკულიას დაკავება „ქართული ოცნების“ ერთ-ერთი ჯგუფის ინტერესებს ემსახურება

ფოთის საკრებულოს თავმჯდომარის ირაკლი კაკულიას ადვოკატის ედიშერ ქარჩავას განცხადებით, მისი დაცვის ქვეშ მყოფის დაკავება კონკრეტული პირისა და ჯგუფის ინტერესებს ემსახურება. ქარჩავა არ აკონკრეტებს, თუ ვის გულისხმობს, თუმცა ამბობს რომ აღნიშნული ჯგუფი "ქართული ოცნების" ერთ-ერთ ფრთას წარმოადგენს.

"აღკვეთის ღონისძიების უფრო მსუბუქი ფორმით შეცვლის მოლოდინი არ მქონდა, რადგან ირაკლი კაკულიას დაკავება ემსახურება კონკრეტული პირის ან გარკვეული ჯგუფის, თვითონ "ქართულ ოცნების" ინტერესებს. ირაკლი კაკულია არის ამ ჯგუფის მსხვერპლი. აღნიშნული ჯგუფი "ქართული ოცნების" ერთ-ერთი ფრთის ინტერესებში შედის.მე კიდევ ერთხელ მივცემ შანსს ამ ადამიანებს და რა თქმა უნდა, ირაკლი არ აპირებს არავისთან დაპირისპირებას. უბრალოდ, მოვუწოდებ მათ, რომ ეს თამაში შეწყვიტონ, რაც წამოიწყეს წინასაარჩევნოდ - უნდათ პოლიტიკური ველი გაისუფთაონ, თავიანთ მიზნებს მიაღწიონ, თუნდაც საპარლამენტო თვალსაზრისით, სიაში ჩასმის ან მონოპოლიზაციის თვალსაზრისით სამეგრელოში. კაკულიას ხელი არ შეუშლია და არც ეწინააღმდეგებოდა ამ ჯგუფს. კარგი იქნება, თუ დაფიქრდება ეს ჯგუფი. მე პროცესზეც ვთქვი, რომ მალთაყვის პროექტმა სამი წლის განმავლობაში განვითარება ვერ ჰპოვა და გაკეთებულის 95 % შეჩერებულია. ეს უფრო დიდი ზიანია და საბოტაჟის ნიშნებს ატარებს", - ამბობს ედიშერ ქარჩავა.

ადვოკატი ირაკლი კაკულიასთვის გირაოს შეფარდებას ითხოვდა. მან სასამართლოს გირაოს თანხა 200 000 ლარი შესთავაზა, თუმცა მისი მოთხოვნა არ დაკმაყოფილდა. ფოთში სახელმწიფო ქონების თაღლითურად დაუფლების, დიდი ოდენობით ქრთამის აღებისა და ყალბი დოკუმენტების დამზადების საქმეზე დაკავებულ საკრებულოს თავმჯდომარე ირაკლი კაკულიას და კიდევ სამს პირს სასამართლომ პატიმრობა, შვიდ პირს კი გირაო შეუფარდა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა