ბათუმში, კინოთეატრ "აპოლოსთან" ფილმის "და ჩვენ ვიცეკვეთ" ჩვენების მოწინააღმდეგეებმა სანთლები დაანთეს და ილოცეს.
როგორც მათ განაცხადეს, ფილმის პრემიერას დღეს უკანასკნელ გზაზე გააცილებენ.
"ახლა ვიტყვით მამაო ჩვენოს და უკანასკნელ გზაზე გავაცილებთ ამ პრემიერას. მოვედი შვილთან ერთად, რომელიც 11 წლისაა - სამი დღეა მთხოვს, რომ აქციაზე წამოვიყვანო. მესამე დღეს ბავშვს ეს სურვილი შევუსრულე. ჩვენ არ გავჩერდებით და არ მივიღებთ ამ უმსგავსობას",- განაცხადა აქციის ორგანიზატორმა ვატო ნებურიშვილმა.
კინოთეატრ აპოლოში ფილმის ჩვენება 22:00 საათზეა დაგეგმილი.